«Էրազմուս երիտասարդ ձեռներեցների համար» ծրագիրը արտասահմանում փորձի փոխանակման ծրագիր է, որը սկսնակ և նպատակասլաց ձեռներեցներին ընձեռում է ծրագրի մասնակից այլ երկրներում փոքր բիզնես վարող փորձառու ձեռներեցներից գիտելիքներ ստանալու հնարավորություն: Սկսնակ ձեռներեցները գիտելիքներ և բիզնես գաղափարներ են ստանում փորձառու ձեռներեցներից և իրենց իսկ փորձը փոխանակում նրա հետ: Նոր ձեռներեցը 1-6 ամիս է անցկացնում փորձառու ձեռներեցի հետ համագործակցության համար: Կացության ծախսերը մասամբ հոգում է Եվրահանձնաժողովը:
U. POWER ծրագիրը, որը համաֆինանսավորվում է Եվրոպական հանձնաժողովի կողմից և մեկնարկել է այս տարվա հունվարին, ունի 7 գործընկեր կազմակերպություն, որոնք միասին աշխատելով խթանում են կանանց շրջանում սոցիալական ձեռներեցությունը:
Համագործակցությունն Իռլանդիայի, Իտալիայի, Գերմանիայի, Ֆրանսիայի, Լատվիայի, Հայաստանի և Իսպանիայի գործընկերների միջև կհանգեցնի ինովացիոն դասընթացների ընդլայնմանը՝ նպատակ ունենալով ոգեշնչել գործընկեր երկրներում բնակվող կանանց՝ հնարավորություն տալով մտնելու համաշխարհային սոցիալական ձեռնարկատիրություն:
