Announcements

Հայաստանի երիտասարդ ձեռներեցներ 2020-2021 ծրագրի հայտերի ընդունման հայտարարություն

«Ջինիշյան» հիշատակի հիմնադրամը ՀՀ Գեղարքունիքի, Լոռու, Շիրակի, Տավուշի, Սյունիքի և Կոտայքի մարզերում բնակվող 18-35 տարեկան պոտենցիալ, սկսնակ և գործող ձեռներեցներին ընձեռում է բիզնես սկսելու կամ զարգացնելու բացառիկ հնարավորություն: Հիմնադրամը նպատակ ունի նպաստելու ձեռնարկատիրական գործունեության զարգացմանը երիտասարդների շրջանում և նոր աշխատատեղերի ստեղծմանը վերոհիշյալ մարզերում:
 
Ծրագիրն ուղղված է բոլոր այն երիտասարդներին, որոնք ունեն.
  • ցանկություն սկսելու իրենց սեփական բիզնեսը,
  • նոր սկսած բիզնես (մինչև 1 տարի գործունեությամբ) և պայքարում են այն կայացնելու համար,
  • գործող բիզնես (մինչև 4 տարի գործունեությամբ) և ցանկանում են այն առավել ընդլայնել և զարգացնել

Ավելին ...

 

ԷՐԱՍՄՈՒՍ երիտասարդ ձեռներեցների համար

ԷՐԱՍՄՈՒՍԸ երիտասարդ ձեռներեցների փոխանակման ծրագիր է, որն ուղղված է օգնելու վերապատրաստվել սկսնակ ձեռներեցներին Եվրամիության երկրների ձեռնարկատիրություններից մեկում` փոքր և միջին ձեռնարկությունները կառավարելու համապատասխան հմտություններ ձեռք բերելու նպատակով։ Այն նպաստում է նորարարական հմտությունների բարելավմանը և խրախուսում միջսահմանային գիտելիքների և փորձի փոխանակումը ձեռներեցների միջև:

Համայնքային զարգացման դրամաշնորհային ծրագրերի մրցույթի հայտարարություն 2020

«Ջինիշյան» հիշատակի հիմնադրամը (ՋՀՀ), ելնելով Վարդենիսի տարածաշրջանի համայնքների զարգացմանն ուղղված իր ռազմավարական նպատակներից, հայտարարում է «Դրամաշնորհային Ծրագրերի Մրցույթ» Վարդենիսի` Նորակերտ, Տորֆավան, Վանևան, Խաչաղբյուր, Գեղաքար, Լճավան, Մաքենիս, Ախպրաձոր, Շողակաթ միավորված համայնք՝ Դրախտիկ, Աղբերք, Շարժա, Արտանիշ, Ջիլ, Ծափաթաղ գյուղական համայնքների համար: 

Ավելին ...

ՏՏ և ձեռնարկատիրական հմտությունների զարգացման ծրագրի հայտերի ընդունման հայտարարություն

Տնտեսական զարգացման ծրագրերի շրջանակներում «Ջինիշյան» հիշատակի հիմնադրամը HSBC բանկի հետ համատեղ իրականացնում է ՏՏ և ձեռնարկատիրական հմտությունների զարգացման ծրագիր` մարզում բնակվող 18-50 տարեկան բնակչության համար: Ծրագիրն իրականացվելու է Շիրակի, Լոռու, Գեղարքունիքի և Կոտայքի մարզի բնակիչների համար։ Ծրագրի շրջանակներում մասնակիցներն առիթ կունենան խորությամբ ուսումնասիրել ինժեներական և ծրագրավորման տարբեր ուղղություններ, ինչպես նաև ձեռք բերել այլ տեխնիկական և միջանձնային հարաբերությունների զարգացման համար անհրաժեշտ հմտություններ և գիտելիքներ։ Դասընթացը նախատեսված է իրականացնել օրվա երկրորդ կեսին՝ 15:00-19:00, շաբաթական 5 օր, 6-8 ամիս տևողությամբ, որին հաջորդելու է աշխատանքային պրակտիկան ՏՏ ոլորտի առաջատար ընկերություններում (Instigate, Digital Pomegranate, Luseen Technologies, Masys Information Systems, Himnark, Osensus): Ծրագրի մասնակիցներից ակնկալվում է ապահովվել լիարժեք ներկայություն և ակտիվ մասնակցություն: Այն մասնակիցները, որոնք ծրագրի ընթացքում ձեռք կբերեն բավարար քանակությամբ հմտություններ և գիտելիքներ, աշխատանքի կանցնեն ծրագրի գործընկեր ՏՏ ոլորտի ընկերություններում, որոնց հետ ձեռք է բերվել նախնական պայմանավորվածություն։ Ծրագրի փուլերն առավել մանրամասնությամբ ներկայացված է ստորև։

Հայաստանի երիտասարդ ձեռներեցներ 2019-2020 ծրագրի հայտերի ընդունման հայտարարություն

«Ջինիշյան» հիշատակի հիմնադրամը ՀՀ Գեղարքունիքի, Լոռու, Շիրակի, Տավուշի և Սյունիքի մարզերում բնակվող 18-35 տարեկան պոտենցիալ, սկսնակ և գործող ձեռներեցներին ընձեռում է բիզնես սկսելու կամ զարգացնելու բացառիկ հնարավորություն: Հիմնադրամը նպատակ ունի նպաստելու ձեռնարկատիրական գործունեության զարգացմանը երիտասարդների շրջանում և նոր աշխատատեղերի ստեղծմանը վերոհիշյալ մարզերում:

Ծրագիրն ուղղված է բոլոր այն երիտասարդներին, որոնք ունեն.

  • ցանկություն սկսելու իրենց սեփական բիզնեսը,
  • նոր սկսած բիզնես (մինչև 1 տարի գործունեությամբ) և պայքարում են այն կայացնելու համար,
  • գործող բիզնես (մինչև 4 տարի գործունեությամբ) և ցանկանում են այն առավել ընդլայնել և զարգացնել:

Կրթություն՝ բոլոր դժվարություններին ընդառաջ (կամավորների հավաքագրում)

Եթե Ձեզ հետաքրքրում է պրոֆեսոր Յոլյանի անվան արյունաբանական կենտրոնում բուժվող երեխաների կրթության շարունակության ապահովումը, ուրեմն «Ջինիշյան» հիշատակի հիմնադրամի «Կրթություն հատուկ բժշկական կարիքներ ունեցող երեխաների համար» ծրագիրը հենց Ձեզ համար է։ Մենք փնտրում ենք պատրաստակամ կամավորների, ովքեր սովորում են բակալավրիատում (2-4 կուրսեր) և մագիստրատուրայում, ունեն մանկավարժի որակավորում կամ կրթություն և կարող են դասավանդել՝ մայրենի, մաթեմատիկա, օտար լեզուներ և բնագիտական առարկաներ։ Կամավորների հավաքագրումը կլինի 2 փուլով։ Երկրորդ փուլ անցած մասնակիցները կհրավիրվեն հարցազրույցի և հաղթահարման դեպքում կդառնան մեր ծրագրի մի մասնիկը։ Եթե գիտակցում ես երեխաների կրթության գործում քո ներդրման կարևորությունը, ապա լրացրու հայտը մինչև ս.թ. ապրիլի 12-ը։

Հիմնադրամը ծրագրի հաջողված մասնակիցներին կտրամադրի հավաստագրեր:

Ապագա՛ մանկավարժ, մենք սպասում ենք հենց քեզ:

Հարցերի դեպքում կարող եք զանգահարել` 093-466-520096-229-669 հեռախոսահամարներով:

Խնդրում ենք լրացնել հետևյալ դիմումի ձևը`ծրագրին մասնակցելու համար.

Դիմումի ձև

Համայնքային զարգացման դրամաշնորհային ծրագրերի մրցույթի հայտարարություն 2019

«Ջինիշյան» հիշատակի հիմնադրամը (ՋՀՀ) իր Համայնքային զարգացման ծրագրի շրջանակներում իրականացնում է «Վարդենիսի զարգացման նախաձեռնություն» ենթածրագիրը (ՎԶՆ ծրագիր): Ելնելով Վարդենիսի տարածաշրջանի համայնքների զարգացմանն ուղղված իր ռազմավարական նպատակներից՝ «Ջինիշյան» հիշատակի հիմնադրամը համայնքների ներհամայնքային քաղաքացիական նախաձեռնությունները խթանելու նպատակով ՎԶՆ ծրագրի շրջանակներում հայտարարում է Դրամաշնորհային ծրագրերի մրցույթ Վարդենիսի Ազատ, Ախպրաձոր, Այրք, Ավազան, Արեգունի, Արփունք, Գեղամաբակ Գեղամասար, Գեղաքար, Դարանակ, Լճավան, Լուսակունք, Խաչաղբյուր, Կախակն, Կութ, Կուտական, Մաքենիս, Նորաբակ, Նորակերտ, Շատջրեք, Շատվան, Ջաղացաձոր, Վանևան, Տորֆավան, Տրետուք, Փամբակ, Փոքր Մասրիկ գյուղական համայնքների համար:
 
 

Սոցիալական պատասխանատվության դրամաշնորհային ծրագրի մրցույթի հայտարարություն 2019

«Ջինիշյան» հիշատակի հիմնադրամը համագործակցաբար «ՔԱՐԴ» ԱգրոԿրեդիտ ՈՒՎԿ ՓԲԸ-ի հետ իրականացնում է «Համագործակցություն ֆերմերներին ֆինանսական ծառայություններ տրամադրելու նպատակով» փոխառություննրի ծրագիրը: Ելնելով կազմակերպությունների ռազմավարական նպատակներից և վերը հիշատակված ծրագրի պահանջներից՝ «Ջինիշյան» hիշատակի hիմնադրամը հայտարարում է նախագիծ-առաջարկությունների մրցույթ՝ «Սոցիալական պատասխանատվության դրամաշնորհային ծրագիր 2019» խորագրով:
Սույն ծրագրի մրցույթին կարող են մասնակցել «Համագործակցություն ֆերմերներին ֆինանսական ծառայություններ տրամադրելու նպատակով» փոխառություննրի ծրագրի մեջ ներգրավված և իրենց պարտականությունները լավագույնս կատարած կոոպերատիվները, կամ այդ կոոպերատիվների գործունեության տարածքում գործող համայնքային, ոչ առևտրային կազմակերպությունները:
 

Հայաստանի երիտասարդ ձեռներեցներ ծրագրի հայտերի ընդունման հայտարարություն

«Ջինիշյան» հիշատակի հիմնադրամը ՀՀ Գեղարքունիքի, Լոռու, Շիրակի և Տավուշի մարզերում բնակվող 18-35 տարեկան պոտենցիալ, սկսնակ և գործող ձեռներեցներին ընձեռում է բիզնես սկսելու կամ զարգացնելու բացառիկ հնարավորություն: Հիմնադրամը նպատակ ունի նպաստելու ձեռնարկատիրական գործունեության զարգացմանը երիտասարդների շրջանում և նոր աշխատատեղերի ստեղծմանը վերոհիշյալ մարզերում:

Ծրագիրն ուղղված է բոլոր այն երիտասարդներին, որոնք ունեն.

  • ցանկություն սկսելու իրենց սեփական բիզնեսը,
  • նոր սկսած բիզնես (մինչև 1 տարի գործունեությամբ) և պայքարում են այն կայացնելու համար,
  • գործող բիզնես (մինչև 4 տարի գործունեությամբ) և ցանկանում են այն առավել ընդլայնել և զարգացնել:

Համակարգչային ծրագրավորման դասընթացներ Ստեփանավանում 2018

«Ինստիգեյթ ուսումնական կենտրոն» հիմնադրամը «Ջինիշյան» հիշատակի հիմնադրամի «Ինժեներական լաբորատորիայի հիմնում Ստեփանավանում» ծրագրի ներքո հայտարարում է «Համակարգչային ծրագրավորում և ինժեներական հմտություններ» դասընթացի ընդունելություն Ստեփանավան քաղաքում։ 

Դասընթացների նպատակն է մասնակիցներին ապահովել Տեղեկատվական տեխնոլոգիաների (ՏՏ) ոլորտում աշխատելու համար անհրաժեշտ գործնական ունակություններով, ծանոթացնել ժամանակակից ՏՏ ընկերությունների արտադրական գործընթացին։

Տեսական դասընթացը կտևի մինչև վեց ամիս, որին կհաջորդեն երկամսյա գործնական պարապմունքներ գործընկեր ՏՏ ընկերություններում։ 

Դասընթացներն անվճար են և կանցկացվեն Ստեփանավան քաղաքում` շաբաթական 5 օր, օրական 4 ժամ ծանրաբեռնվածությամբ՝ սկսած օրվա 2-րդ կեսից։ Դասընթացների նախնական մեկնարկը դեռևս որոշման փուլում է:

Pages

Subscribe to RSS - Announcements